Patrimonio natural y cultural
O punto de arranque deste camiño é o cruceiro da Virxe Peregrina situado dentro da fortaleza de Salvaterra do Miño, ao que chegaban os peregrinos portugueses a través das barcas que cruzaban o río Miño desde Monçao. Nos seus 130 km de percorrido ata Compostela esta ruta tamén pasa polos concellos de Ponteareas, Pazos de Borbén, Fornelos de Montes, Ponte Caldelas, Cerdedo-Cotobade, A Estrada e Teo; levándonos pola beira de máis de trinta igrexas (tres delas co Santiago Apóstol como patrón), quince petos de ánimas, numerosos cruceiros e cruces illadas, varias pontes medievais e unha ampla colección de lugares de gran interese natural e cultural. Nesta galería podes ver moitos deles:
Guía do percorrido e do patrimonio.
A guía creouse coa intención de que o camiñante poida levar consigo unha publicación en formato papel que poida consultar cómodamente sen ter que recurrir ao uso de pantallas. Está escrita en galego, consta dunhas 185 páxinas a cor e contén información das distancias, sitios para dormir e datos sobre o patrimonio natural e cultural.
Pódese mercar en:
- Amazon: https://amzn.eu/d/57yxT7o (20 € aprox.)
- Ponteareas: Tenda Adobiarte (15 €)
- Carballedo (Cotobade): Estanco Cuiñas (15 €)
