A sétima etapa do Camiño do Taverneiro deixou pegada entre Codeseda e A Estrada.
14 quilómetros de natureza, patrimonio e tradición nos que os camiñantes descubriron recunchos únicos do rural galego: o paso polo río Umia, os sendeiros entre brañas, a capela da Consolación, a ponte de Xerlís ou a impoñente Torre de Guimarei.
Un dos momentos máis especiais viviuse na Consolación, onde Xulia sorprendeu aos peregrinos coa fermosa decoración do seu xardín.
O tramo final puxo a proba ás persoas participantes cunha intensa subida antes de entrar na Estrada, pero o esforzo tivo recompensa: unha espectacular carballeira acompañou os últimos pasos dunha etapa inesquecible.
